بے وفائی دی سزا

بے وفائی دی سزا (میکسم گورکی)

پنڈ دے اک رستے اتے رولا پا رہے لوکاں دی بھیڑ لنگھ رہی سی۔ بھیڑ ہولی-ہولی چل رہی سی۔ بھیڑ دے اگے جا رہی سی اک ویہہ کو سال دی چھوٹے جہے قد-کاٹھ والی علف ننگی جوان عورت۔ اک گھوڑا گڈی نال اسدے ہتھا نوں بنھاں ہویا سی۔ اوہ سجے-کھبے جھولدی ہوئی چل رہی سی۔ اوہدے پنڈے اتے کالیاں-نیلیاں دھاریاں پئیاں ہوئیاں سن۔ اوہدی کھبی چھاتی اتے اک زخم دا نشان سی، جس وچوں خون رس رہا سی۔ تے اسدا پیٹ سی کہ، ڈنڈے مار-مار کے جاں بوٹاں ہیٹھ کچل کے اسدا برا حالَ کیتا ہویا سی۔ پتی نال بے وفائی کرن بدلے اس عورت نوں ایہہ سزا دتی جا رہی سی۔
گھوڑا گڈی اتے نشے وچ دھتّ اک لما-تکڑا آدمی کھڑا سی۔ اوہنے سفید روسی قمیض پائی ہوئی سی تے اوہدے سر اتے وڈی کالی ٹوپی سی۔ اوہدے اک ہتھ وچ لگام سی تے دوجے وچ ہنٹر، جس نال اوہ وار-واری گھوڑے اتے عورت نوں مار رہا سی۔ اوہدیاں اکھاں غصے کارن لال سرخ ہو رہیاں سن تے اوہناں وچوں جویں خون ٹپک رہا سی۔ اوہ رک-رک کے ہنٹر ماردا ہویا، اپنی کھردری آواز وچ گرجدا، “ہور لے کتیئے! ہا ہا! ہور لے!”
گڈی اتے عورت دے پچھے لوکاں دی بھیڑ چل رہی سی۔ لوک چیخ رہے سن، چلا رہے سن، ہسّ رہے سن۔ کدے سیٹیاں وجاؤندے، کدے مذاق وچ ‘ہو ہو’ کردے۔ بچے ادھر-ادھر بھج-دوڑ رہے سن۔ کدے-کدے کوئی اوہناں وچوں کوئی اس اگے ودھدی عورت دے ساہمنے جا کے اوہنوں گندی گالھ دندا۔ تد بھیڑ وچ اچا ہاسہ گونجدا۔ بھیڑ وچ چل رہیاں عورتاں دے چہریاں اتے غیر-معمولی جوش سی۔ تدے عورت دے سریر اتے ہنٹر پیا۔ اوہدے موڈھیاں دوآلے ہو کے اسنے اوہنوں اپنی لپیٹ وچ لے لیا۔ آدمی نے ہنٹر نوں جھٹکیا تاں اک تیز چیک مار کے اوہ عورت راہ دی دھوڑ وچ ڈگّ پئی۔
گڈی اگے جتیا گھوڑا کھڑا ہو گیا، پر اگلے ہی پل اوہ اگے ودھیا اتے عورت اٹھ کے تر پئی۔